صوت مازن

الظاهر بيبرس

الحمد لله اشتغلت في مكتب دعاية واعلان غير بتاع المعادي اللي كلمتكم عنه - لمزيد من المعلومات اضغط هنا - المهم المكتب ده في ميدان الظاهر، وفي كل صلاة بنزل أصلي في مسجد الظاهر بيبرس اللي في وسط الميدان، بصراحة احساس غريب أول ما تدخل المسجد ده، بقالي دلوقتي أكتر من أسبوع بشتغل فيه، وكل مرة أنزل أصلي أفضل أتفرج على المسجد وكأني بدخله لأول مرة، احساس غريب بالحنين لأيام العزة ولمجد الإسلام في العهود الماضية، المسجد ده صلى فيه ناس كتير أوي بعضهم كان كويس وبعضهم كان وحش بس كلهم شافوا حاجة نفسنا نشوفها، وهي الدولة الإسلامية، كل ما أدخل المسجد ده أتخيل إني عايش في مصر الإسلامية اللي كانت جزء من دولة الخلافة، صحيح هو مجرد خيال بس هو ده اللي في ايدينا دلوقتي.