صوت مازن

سنة 2008 أحسن.... والله أشك

كل عام وانتم بألف خير بمناسبة السنة الجديدة والكلام ده كله، طبعا 2007 كانت سنة غير لذيذة خالص بكل المقاييس ولكل الاطراف، وناس كتير لما سألتها تتوقع 2008 هتبقى أحسن؟ يقولولي ان شاء الله أحسن لانه مفيش سنة هتبقى أوحش من 2007، وأنا بصراحة بشك في الكلام ده، يعني هو فين المقدمات اللي بتدل على وجود تحسن، مش رقم السنة هو اللي بيخليها كويسة أو وحشة، الناس اللي ربنا مد في عمرها وعاشت في السنة دي هم اللي بيخلوها كويسة او وحشة، طب ما كل الناس بتوع السنة اللي فاتت لسة موجودين، ايه اللي هيتغير، لو مغيرناش الواقع الموجود بإيدينا هتفضل كل السنوات الجاية وحشة، وكل سنة وحشة وانتوا بالف خير.