صوت مازن

رحمة... ماتت

قوم يا مازن رحمة ماتت، النهاردة الصبح صحيت على صوت والدتي بتصحيني وبتقولي ان رحمة بنت عمي ماتت، رحمة دي طفلة عندا سنة وكام شهر، الغريب في الموضوع ان مراة عمي محجوزة في المستشفى من يومين، الطبيعي ان الواحد يتوقع وفاتها هي، لكن مفيش حاجة بتحصل غير اللي ربنا مقدرها، بعد ما رحت بيت عمي واخدنا رحمة على المقابر ورحنا دفناها ودخلت مقابر العيلة لتاني مرة في شهرين، لأن عمي عبد الله توفي من شهرين، فعلا مقابر العيلة هي بيت العيلة الحقيقي، العيلة كلها هتسكن هناك عاجلا أو آجلا، مشاعر كتير وأحاسيس كتير بحسها دلوقتي، لكن كل اللي اعرف أقوله ان الواحد ميعرفش هيموت امتى علشان كده لازم يستعد للموت كل يوم.