صوت مازن

أنا تعبان أوي اليومين دول، دايما لما تيجي ايام المذاكرة اللي قبل الامتحانات بكون متضايق جدا لأني مبذاكرش فبحس اني مبعملش اللي عليا، بحاول أضغط على نفسي بس برضه مش عارف أذاكر، وكل سنة الموضوع ده بيبقى أصعب، خايف تمر السنوات ومعرفش اتخرج من الكلية، المشكلة ان الكل عارف ان دراستي في الكلية ملهاش لازمة، بس لازم أتخرج علشان يبقى عندي شهادة ولما أتجوز أهل العروسة يقولولي ويا ترىيا مازن يا ابني انت معاك ايه، فانا أقوله معايا بكالوريوس تجارة، يا صلاة النبي، نضيع سنين من عمرنا عشان لما أتقدم لواحدة اهلها يسالوني معاك ايه اقولهم بكالوريوس، أنا حاسس اني بقيت خنيق وبكتب كلام ملهوش لازمة، والمدونة بقت فاشلة، عشان كده انا برضه مش هبطل تدوين، رخامة براحتي، بجد الشخص الوحيد اللي بيشجعني إني أكمل هي سمسم صاحبة مدونة بحبك يا مصر، ربنا يكرمك يا سمسم.