صوت مازن

معرفش أقول ايه بصراحة بس اللي بيحصل في غزة دليل دامغ على ان مبقاش في حاكم راجل، طبعا الشجب والتنديد اللي احنا كنا بنتريق على حكامنا لما بيعملوا كده بقينا نتمنى نشوفه، حتى التنديد مبقاش موجود، وسلطة رام الله العميلة بقيادة عباس شايفة ان الصواريخ اللي بتطلقها حماس هي السبب الوحيد لحصار غزة، يعني لو حماس بطلت تضرب صواريخ على سديروت وعسقلان، مش هيبقى في احتلال والحياة في غازة هتبقى جنة، طيب ما الضفة الغربية مافيهاش صواريخ بنضرب منها على اسرائيل، ليه كل يومين جيش الاحتلال يدخل الضفة ويعتقل كام واحد بالإضافة إلى القتل والتدمير، الكل دلوقتي بقى مفضوح، وأصحاب مشروع المقاومة بقوا معروفين، وأصحاب مشروع الاستسلام وبيع القضية بقوا معروفين برضه، لكن اللي بيخفف عني اني حاسس فعلا ان النصر قريب، فأحلك ساعات الليل ظلاما هي الساعات التي تسبق الفجر.