صوت مازن

فراغ، هو ده اللي حاسه، لأول مرة من سنين أحس بالفراغ، بقالي فترة وانا داما كنت مشغول بحاجات كتير، أول مرة أحس بالفراغ ده حتى وانا مشغول، معرفش ليه حاسس بكده، مش لاقي حاجة أعملها مع أني عارف انا عايز ايه، خايف من الفشل في مشروعي مع اني مقتنع بيه وحاسب كل حاجة فيه، لو فضلت عالحال ده مش هبقى أحسن أبدا، لازم أغير حاجات كتير بس مش عارف ايه هي، بس الموضوع محتاج قرار جريء وحل جذري محدش هيقدر يتخذه غيري، العالم كله لازم يستنى القرار ده، أن أن آآآآن...