يا رب لك الحمد، الحمد لله اخواتي أحمد كمال ووائل جودت خدوا افراج وطلعوا من السجن، الحمد لله طالعين ومعوياتهم في السما ومكتسبين خبرات وتجارب تفيدهم في حياتهم ودعوتهم، فعلا يا لغباء نظامنا الحاكم، يحاولون إسكات صوت الدعوة واخماد نارها بقضبان السجون، فيخرج أبناءها من الزنازين أقوى وأصلب، شكرا مصلحة السجون، وشكرا لوزارة الداخلية، وشكرا لأمن الدولة، فعلا، انتوا بتخرجولنا رجالة
الاشتراك في:
تعليقات الرسالة (Atom)
هناك 4 تعليقات:
ازيك يا مازن ,,,,بقالى كتير اوى مدخلتش المدونى بس قرات كتير وكتير لكن البوست ده اللى وقفنى ,,,,,يااااااااااااه هو ممكن حد يتحبس عشان مجرد قال رايه او على صوته؟؟مكنتش متخيله كنت فاكره ان ده افلام بس.....بس م الواضح انى عبيطه اوى ,,,ما علينا
يا رب يكوبو بخير
هو انت دخلت السجن قبل كده؟
_____________________-
وحشتنى المدونة كتيييييييييييييير--مع انى بطلت تدوين
ويارب النتيجه تبقى حلوة يا مازن ياااااااارب معانا كلنا
______________--
اسماء او سمسم
أكتر حاجة زعلتني منك انك بطلتي تدوين، كتير كنت ادخل عليها ألاقيها مهجورة ومافيهاش جديد، مكنتش بعيط بس بزعل.
غريب انك متعرفيش ان الناس في مصر بتدخل السجن لما تقول رأيها، أمال يعني يدخلوا السجن لما يسرقوا؟؟
لسة مدخلتش السجن بس لو تحبي ممكن أدخله.
مازن أسامة
اه بطلت تدوين..وكان لازم ابطلها ...بس مش هبطل متابعة
هههههههههههههههههه
لا وربنا مااحبش ابدااااااا الدا ابدا
ربنا يارب ينجحك وتعدي على خير امين يارب ,,,,,,
بس اقولك على حاجه يا مازن
لو صوتك ده ممكن يأذيك ,,,مش هنقولك نمشى جنب الحيط,,بس هقولك نسكت عشان حياتنا تعدي على خير ,,,ومش معنى السكوت اننا نسكت عن الحق ,,,بس نغير ما بانفسنا وحوالينا على قد ما نقدر من غير اذية ليك....
ولا انت شايف ايه؟
للأسف مختلف معاكي شكلا وموضوعا، لا أرى أي سبب للسكوت مهما كان، أنا شايف ان حياتي هتعدي على خير لما أقول الحق حتى لو اتأذيت ، فين الخير اللي في حياتي وانا ساكت وخايف ومش قادر أعبر عن اللي جوايا، ده مش خير أبدا.
يبدو ان الاختلاف اللي اتناقشنا فيه من زمان لسه موجود ما بينا، للأسف مش عارف أقتنع برأيك أبدا
إرسال تعليق