صوت مازن

يا أهلا

فترة كبيرة أوي مرت من آخر مرة كتبت حاجة في مدونتي، أسباب كتير منعتني من الكتابة، أحداث غزة كانت من احداها، بالإضافة إلى ظروف العمل، جديدي اليومين دول اني بقيت أشتغل في شركة جديدة، الشركة دي بتاعة عجل، يعني انا بقيت عجلاتي، بس من غير ما أنفخ، والله الشغلانة شكلها مملة وبحاول إني أخليها ممتعة، المفروض اني شغال في التسويق، يعني أروح للمحلات وأحاول أقنعهم انهم ياخدوا مني عجل، ربنا يسهل....

طبعا تقصيري في الدراسة كبير جدا، وبحاول اني أذاكر أو أحضر محاضرات بس مش عارف، الفترة دي من أكتر الفترات استقرارا في حياتي، وبصراحة عرفت السبب، وده انجاز كبير، ناس كتير كبتبقاش عارفة ايه اللي بيخنقها من الحياة، أخويا الحبيب وائل جودت اتقبض عليه يوم 2 يناير الماضي على خلفية أحداث غزة، ولحد دلوقتي هو محبوس، كلنا بندعيله بالثبات وان ربنا يفك أسره، هو الحمد لله مبسوط في سجنه ومواظب على حفظ القرآن وان شاء الله هيطلع وهو خاتم، مش عايز أطول عليكم، سلام...