صوت مازن

تركيا لما رقصت عالسلم

طبعا كل الشعب المصري يعرف مسلسل نور، واللي مبيشوفهوش أكيد ليه حد قريبه بيشوفه، ذلك المسلسل ذو املئة وشوية حلقة حتى الآن هو دليل دامغ على أن تركيا أصبحت دولة مسخ، لا هي شرقية ولا غربية، تلك الدولة التي كانت مقر الخلافة الإسلامية لمئات السنين، أصبحت شيئا غير معروف الهوية، فالإجراءات التي اتخذها أتاتورك من أجل مسح الهوية الإسلامية عن تركيا تكللت بكل أسف بالنجاح، نرجع تاني للمسلسل، وقبل ما أقول حاجة أشهدكم جميعا إني لا تابع المسلسل ولكني شاهدت منه مقاطع بسبب إن الجناح الحريمي في الأسرة يتابعه بشغف، لو نشوف مشاهد عقد الزواج في المسلسل نلاقيها صورة طبق الأصل من مراسم الزواج التي تعقد في الكنائس في الأفلام الأمريكية: "هل توافقين على اتخاذ فلان زوجا لك؟ هل توافق على اتخاذ علانة زوجة لك؟" وطبعا بما ان البلد مسلم فلازم يكون في شهود والشهود هناك من اتنين رجالة زي عندنا، بيبقةا راجل وست، طب هل الزواج ده اسلامي ولا حاجة تانية؟ طيب لو كل الأتراك اللي اتجوزوا بعد سقوط الخلافة اتجوزوا بالطريقة دي، يبقى هل ده معناه ان الاتراك محدش فيهم متزوج زواج شرعي؟ يعني من الآخر مفيش حد في تركيا متزوج على كتاب الله وسنة رسول الله؟ دي تبقى مصيبة، طبعا غير المشاهد الكتير اللي في المسلسل اللي عايزة تثبتلنا ان تركيا ذات نسبة المسلمين التي تفوق 95% يعني أكتر من مصر، أصبحت لا تمت للحضارة الإسلامية بصلة، طيب لما نلاقي بلد غربي الدنيا فيه ماشية كده نقول ماشي، لكن لما نلاقي احفاد محمد الفاتح والسلطان عبد الحميد وعثمان بن أرطغل يبقى في حاجة غلط، خلاصة القول أن تركيا أرادت أن تساير ركب الحضارة ولكنها سايرته بالطريقة الخاطئة.