صوت مازن

خبر يبسط وخبر ينقط

في الكام يوم اللي فاتوا قريت خبرين واحد بسطني وواحد نقطني وفقع مرارتي، الخبر الأول هو خبر تبادل الأسرى بين حزب الله والكيان الصهيوني، بجد حسيت بالعزة جدا، كون ان حزب الله بيهتم بولاد بلده المعتقلين في السجون الاسرائيلية، يعني لحد دلوقتي في مصريين وأردنيين وسعودي معتقلين في اسرائيل ومحدش طبعا فيهم بلده بتسعى ورا تحريره، حزب يعلم تمام العلم أن الكيان الصهيوني لا يمكن التعامل معه بالمفاوضات السلمية، بل تعاملوا معهم بالحوار المسلح كما قال الدكتور المسيري رحمه الله، الكيان الصهيوني لا يأتي إلا بالضغط عليه وليس بالمباحثات السليمة.

الخبر اللي ينقط بقى هو تقرير للواشنطن بوست يصف إدارة فنادق جراند حياة بعدم تسامحها بسبب منعها للخمور في فنادقها، حاجة تفقع المرارة، يعني علشان إدارة الفندق منعت الخمور تبقى غيرمتسامحة، بصراحة مش عارف أعبر أكتر عن الخبر الفقيع ده بس طبعا كلكم وصلكم المعنى.